አዲሱ የሜሪላንድ ገዢ በመጀመሪያ ቀናቸው አዳዲስ አስፈፃሚ ትዕዛዛትን አፀደቁ

በመጀመሪያ የሙሉ ቀን ስራቸው ገዢ ዌስ ሙር በቀድሞው ባለስልጣን ታግዶ የነበረን 69 ሚልየን ዶላር በማስለቀቅ ለሜሪላንድ መንግስት ቅድሚያ እሰጣቸዋለው ላላቸው ጉዳዮች እንዲውሉ ተመድበዋል። በተጨማሪም አዲስ የመንግስት ተቋም እንዲቋቋም የሚፈቅድ ማዘዣ አውጥተዋል። በአዲሱ ማዘዣ መሰረትም የሜሪላንድ አገልግሎትና የዜጎች ኢኖቬሽን ዲፓርትመንት ተቋቁሟል። በቀጣይ ሳምንታትም አስተዳዳሪ እንደሚሾምለት ተናግረዋል።

ይህንንና ሌሎች ጉዳዮችን አስመልክተው ዛሬ ሐሙስ 01/19 ከምክትላቸው አሩና ሚለር ጋር ጋዜጣዊ መግለጫ ሰተዋል። ዛሬ ይፋ በተደረገ የበጀት ድልድል እንደታየው 69 ሚልየን ዶላሩ እንደሚከተለው ተከፋፍሏል።

• $46.5 ሚልየኑ ለካናቢስ (እጸ-ፋሪስ) ህግ ማስተካከያ ስራዎች (Cannabis reform Act)
• $9 ሚልየኑ ለአዲስ ወላጆች የእረፍት ከክፍያጋ እንዲኖራቸው የሚያስችል ህግ (Time to Care Act)
• $9 ሚልየኑ ለአካባቢ ጥበቃ መፍትሄዎች (Climate Solutions Now Act)
• $3.5 ሚልየኑ ፅንስ ማቋረጥን ተደራሽ ለማድረግ (Abortion care Access Act)

ናቸው ተብሏል።

ምክትል ገዢ አሩና ሚለር አክለው ለአዕምሮ ደህንነትና ጤና የተለየ ትኩረት በማድረግ እንደሚሰሩ ተናግረዋል።

ዌስ ሙር በትላንትናው ዕለት ለሜሪላንድ የመጀመሪያው ጥቁር ገዢ ሆነው መሾማቸው ይታዋቃል። በአሁኑ ሰዓትም በመላው አሜሪካ ግዛቶች ብቸኛው ጥቁር የክልል ገዥ ናቸው። ምክትላቸው አሩና ሚለርም በሜሪላንድ ታሪክ የመጀመሪያዋ የኢንዲያ-አሜሪካን ደም ያላቸው ምክትል ገዢ ናቸው።

About Author

m.henok

See author's posts