አሌክሳንደር ስንታየሁ የተባለ የ25 አመት የአሌክሳንድሪያ ነዋሪ በንብረት ማጥፋትና ጥሶ ለመግባት በመሞከር ወንጀል ተጠርጥሮ ታሰረ።
ባሳለፍነው አርብ ከቀኑ 12፡21 ላይ ፖሊሶች ትምህርት ቤቱ ውስጥ በመሳሪያ የታገዘ ጥቃት እንደደረሰ መረጃ ይደርሳቸውና ወደቦታው በማቅናት ትምህርት ቤቱ እንዲዘጋና ማንም ሰው እንዳይገባ እንዳይወጣ ይከለክላሉ።
ብዙም ሳይቆይ ታዲያ ተጠርጣሪው አሌክሳንደር ተስፋዬ በትምህርት ቤቱ ትማሪ የሆኑ ዘመዶቹን ከትምህርት ቤት ለማውጣት ይደርሳል። ትምህርት ቤቱ እንደተዘጋና ማንም መውጣትና መግባት እንደማይችል ሲያውቅ የትምህርት ቤቱን የኢመርጀንሲ መገናኛ መስመር በመጠቀም መሳሪያ እንደያዘና መግባት እንደሚፈልግ አስታወቀ። አሌክሳንደር ደጋግሞ የትምህርት ቤቱን በር በመርገጥመስታወቱን ሰባብሮታል፡፡ በሩን አልፎ መግባት ሲያቅተው ታዲያ ጥሎ ይሄዳል።
እንደፖሊስ ምርመራ ከሆነ ስንታየሁ ትምህርት ቤቱ ውስጥ ከሚማሩ ዘመዶቹ የቴክስት ሜሴጅ ደርሶት እንደመጣና ዘመዶቹን እንደ ቴክሳስ ሹቲንግ ከመሰለ አደጋ ለመታደግ እንደሞከረ አስታውቋል።
አሌክሳንደር በንብረት ማውደም ክስ የቀረበበት ሲሆን አርብ ማምሻውን ራሱን ለፖሊስ አሳልፎ ሰቷል። በአሁኑ ሰዓትም በዋስ ተለቋል። ምርመራው እንደቀጠለ ሲሆን ተጨማሪ መረጃ ያለው ሰው ለአርሊንግተን ፖሊስ በ703-228-4180 ወይንም በ ACPDTipline@arlingtonva.us ማድረስ ይቻላል።
አሌክሳንደር ስንታየሁ ለረጅም አመት በአሜሪካን ኮስት ጋርድ ሆኖ ያገለገለ ሲሆን በኖቨምበር 2019 ዓ.ም የልብ ህመም ታማሚ እንደሆነ የተነገረው ሲሆን በርካታ የልብ ቀዶ ጥገናዎችንም አድርጓል። ይህን ተከትሎም እሱና ቤተሰቦቹ ለከፍተኛ ወጪ በመዳረጋቸው በወቅቱ ጓደኞቹ የጎፈንድ ሚ አዘጋጅተውለት ነበር።
አሊክሳንደር ለሰዎች ደህንነት የሚጨነቅና ጀግና ሰው መሆኑን ዋይትሃውስ ባዘጋጀው ፕሮግራም ላይ የዩናይትድ ስቴትስ ምክትል ፕሬዘደንት ወይዘሮ ካማላ ሃሪስ ባሉበት ስለአሜሪካን የጤና ፕሮግራም ችግሮች የራሱን ልምድ በማካፈል አስረድቷል። ከስር ቪዲዮው ላይ እንደሚታየውም ይህንን ጀግንነቱን የዩናይትድ ስቴትስ ምክትል ፕሬዘደንት ካማላ ሃሪስ በዛው በዋይት ኃውስ መድረክ ላይ መስክረውለታል።
About Author
