ነጻ የታክስ ማመልከቻ አገልግሎት

የአይ አር ኤስ የበጎ ፈቃደኛ ታክስ አዘጋጆች (Volunteer Income Tax Assistance (VITA)ና Tax Counseling for the Elderly (TCE)) ከ50 አመት በላይ በመላው አሜሪካ ለሚገኙና የፕሮግራም መመዘኛውን ለሚያሟሉ ታክስ ከፋዮች የነጻ ታክስ አገልግሎት ሲያቀርብ ቆይቷል።
ይህ የበጎ ፈቃደኞች ማህበር ታዲያ ዘንድሮም በየካውንቲውና ዲስትሪክቱ ይህንኑ ነፃ አገልግሎት ተደራሽ ለማድረግና መመዘኛውን ለሚያሟሉ ታክስ ከፋዮች የ2022 ታክሳቸውን ፋይል እንዲያደርጉ ከመጪው ሰኞ ጀምሮ ስራ እንደሚጀመር የሞንጎምሪ ካውንቲ አገልጋዮች አስታውቀዋል።
በዚህ ፕሮግራም ለመጠቀም የተፈቀደላቸው

አመታዊ ገቢያቸው 60000ና ከዚያ በታች የሆኑ
የአካል ጉዳት ያለባቸውና
በእንግሊዝኛ ቋንቋ መግባባት የሚቸገሩ ታክስ ከፋዮች ሲሆኑ በተጨማሪም እድሜያቸው 60 አመትና ከዚያ በላይ የሆኑ ሰዎች ለአዛውንቶች በተዘጋጀ ተመሳሳይ ፕሮግራም መሳተፍ እንደሚችሉ ትገልጿል።

በዚህ ፕሮግራም በበጎ ፈቃደኝነት የሚያገለግሉ ታክስ ከፋዮች በሙሉ የአይ አር ኤስ ሙሉ ፍቃድ ያላቸውና መመዘኛውን ወስደው ያለፉ ባለሞያዎች ሲሆኑ አይ አር ኤስም ፕሮግራሙን በበላይነት ይቆጣጠረዋል። በዚህ ፕሮግራም ታክስዎን ሊያሰሩ ከፈለጉ የሚከተሉትን ዶክመንቶች ይዘው መሄድ ይኖርብዎታል።