ምስል ከፌርፋክስ ፖሊስ
የፌርፋክስ ፖሊስ እንዳሳወቀው በጁላይ 16 ለሊት 4 ሰዓት አካባቢ 5820 ሴሚናሪ ሮድ ላይ በሚገኘው የላየንስ ዴን ላውንጅ ወደ መሬት በተተኮሰ ጥይት 2 ሴቶች ላይ በጥይቱ ፍንጥርጣሪ ጉዳት ደርሶባቸው ነበር፡፡ ይህን ተከትሎም ለደረሰባቸው ቀላል ጉዳት በአካባቢው ሆስፒታል በህክምና ሲረዱ ቆይተዋል፡፡
ምስል ከፌርፋክስ ፖሊስ
ፖሊስ ባደረገው ምርመራ ታዲያ የዚህ ወንጀል ፈጻሚ ነው ያለውን የ25 ዓመት ወጣት አብዱልከሪም ሃሊድ በተጠርጣሪነት ፈርጆ ቢፈልገው በሰዓቱ ከቦታው መሰወሩን አስታውቆ ነበር፡፡ ይህንን ተከትሎም መርማሪዎች የእስር ማዘዣ አውጥተው አብዱልከሪምን ሲያፈላልጉ የቆዩ ሲሆን ትላንት በአሌክሳንድሪያ ከተማ አብዱልከሪም እንደተያዘ አስታውቀዋል፡፡
በዚህ ወንጀል ተጨማሪ መረጃ ያላቸው በስልክ ቁጥር 703-256-8035 ደውለው እንዲጠቁሙ ጠይቀዋል፡፡
መረጃውን ያገኘነው ከፌርፋክስ ፖሊስ ነው። የፖሊስን መረጃ ለማየት ይህን ሊንክ ተከትለው ይሂዱ።
ስለዲሲ ሜሪላንድና ቨርጂንያ በርካታ አዳዲስ መረጃዎችን ለማግኘትና የኢትዮጲክ ዲጂታል ጋዜጣ በኢሜይልዎ እንዲደርስዎት ከስር ያለውን ተጭነው ይመዝገቡ
About Author
