ነጻ የአሜሪካ ዜግነት ትምህርት ምዝገባ ተጀመረ
በአሜሪካ ህጋዊ የመኖሪያ ፍቃድ ኖሯቸው 4ና ከዚያ በላይ አመት የኖሩ ነዋሪዎች ለዜግነት ማመልከቻ የኢንተርቪው መጠይቅ መልሶችን እንዲለማመዱ ታስቦ የተዘጋጀው ትምሀርት ምዝገባ ዛሬ ጁን 18 2024 ተጀምሯል።
- የሞንጎምሪ ካውንቲ ነዋሪ መሆን አለባቸው
- እድሜያቸው 18ና ከዚያ በላይ መሆን አለበት
- መሰረታዊ የእንግሊዝኛ ቋንቋን መረዳት አለባቸው።
- ሀጋዊ የመኖሪያ ፍቃድ ኖሯቸው 4 አመት በጋብቻ ከሆነ ደሞ 2 አመት ያለፋችው መሆን እንዳለባቸው ተነግሯል።
ትምህርቱ ጁላይ 9፣ 10፤ 11፤ 13ና 14 የሚጀምር ሲሆን ለ8 ሳምንት ይዘልቃል ተብሏል። ትምህርቱ ኦንላየን በዙም የሚከናወን ሲሆን አንዱ ክፍለ-ጊዜ በአካል በጌትስበርግ ላይብረሪ ሁለተኛ ፎቅ ይሰጣል። ይህ ዕድል ቀድመው ለተመዘገቡ እንዳመጣጣቸው ይሰጣል። ለመመዝገብ ይህን ይጫኑ ወይም ከስር ያለውን ፎርም ይሙሉ።
About Author
