የሞንጎምሪ ካንውቲ ፖሊስ ሳሌምን አፋልጉኝ ብሏል።

በሜሪላንድ የሞንጎምሪ ካውንቲ ፖሊስ ከጌትስበርግ ዛሬ ጁን 14 ባወጣው የአፋልጉኝ ማስታወቂያ የሲልቨርስፕሪንግ ነዋሪ የሆነችውን የ41 አመቷን ሳሌም ክብረዓብን አፋልጉኝ ብሏል።
የፖሊስ ሪፖርት እንደሚያሳየው ሳሌም ዕድሜዋ 41 ዓመት ሲሆን ቁመቷ 5 ጫማ ከ7ኢንች ነው። ሳሌም 180 ፓውንድ ክብደት ሲኖራት የአይኗ ቀለም ቡናማ እንዲሁም የፀጉሯ ቀለም ጥቁር እንደሆነ ፖሊስ በማስታወቂያው አትቷል።

ሳሌም ለመጨረሻ ጊዜ የታየችው ማክሰኞ ጁን 10 2025 እንደሆነና በወቅቱ ባለ ቀይ፤ ጥቁርና ነጭ ቀለም ሹራብ አርጋ ነበር ተብሏል። የሳሌምን መገኛ የሚያውቅ ወይንም ያያት ሰው ለፖሊስ በ301-279-8000 ደውሎ ጥቆማ እንዲያደርግ ፖሊስ ጠይቋል።

About Author