ማስጠንቀቂያው ተነስቷል- በሪችመንድ ቨርጂንያ የውኃ አፍሉ ማስጠንቀቂያ ወጣ

ማስጠንቀቂያው ሐሙስ ሜይ 29 ከሰዓት 2:30pm ጀምሮ ተነስቷል::

…..

የሪችመንድ ከተማ ባለስልጣናት ዛሬ ማክሰኞ ሜይ 27 ማለዳ ላይ የከተማዋ የውሃ ማጣሪያ ፋብሪካ ላይ የአሰራር ችግር ከገጠመው በኋላ ለበርካታ ሰፈሮች ውሃ አፍልቶ የመጠቀም ማስጠንቀቂያ ሰጥተዋል።

The State Office of Drinking Water is actively investigating the current water quality issue with the City of Richmond. I know this is really challenging for everyone following this winter’s problem. We’re told by Richmond officials that they are working diligently to resolve…
— Governor Glenn Youngkin (@GovernorVA) May 27, 2025

ችግሩ የተፈጠረው ከፍተኛ የሆነ የቆሻሻና ዝቃጭ ጥርቅም የውሃ ማጣሪያውን ፊልተር በመድፈኑ ነው ተብሏል። ይህም ጊዜያዊ የንፁህ ውሃ ምርት እንዲቀንስ እና እንደ ስኮትስ አዲሽን፣ ዘ ፋን፣ ሙዚየም ዲስትሪክት፣ ጃክሰን ዋርድ፣ ቸርች ሂል፣ እና ኖርዝሳይድ ባሉ አካባቢዎች የውሃ ግፊት እንዲቀንስ አድርጓል።

ይህ ክስተት በዚህ ዓመት በሪችመንድ ሁለተኛው ትልቅ የውሃ ስርዓት መቋረጥ ነው። በጃንዋሪ ወር፣ በተመሳሳይ የውኃ ማጣሪያው የመብራት ሀይል መቋረጥ ተከትሎ ወደ 230,000 የሚጠጉ ነዋሪዎችን ለአንድ ሳምንት ያህል ያለ አስተማማኝ የመጠጥ ውሃ አስቀርቶ ነበር።

በቨርጂኒያ የጤና ቢሮ ያወጣውው መግለጫ ታዲያ ያንን ቀውስ ማስቀረት ይቻል እንደነበርና ይህ ሊከሰት የቻለው የከተማው አስተዳደር በቂ ያልሆነ የአደጋ ጊዜ እቅድ ባለማዘጋጀቱ እና በቂጥገና ባለማድረጉ እንደሆነ አስታውቀዋል።

ከንቲባ ዳኒ አቩላ የአሁኑን ብልሽት በጥልቀት እንደሚያጣሩ እና የከተማዋን የውሃ መሠረተ ልማት አስተማማኝነት ለማረጋገጥ የረጅም ጊዜ የመከላከያ እርምጃዎች እንደሚያስፈልግ አጽንዖት ሰጥተዋል።