የዲሲ ሜትሮ “የትራምፕ ባቡር” ተብሎ እንዲጠራ ረቂቅ ህግ ቀረበ

የፍሎሪዳ የህዝብ ምክር ቤት ተወካይ የሆኑት የሪፐብሊካን ኮንግረስ አባል ግሬግ ስቱብ ዛሬ ሐሙስ ሜይ 29 ባቀረቡት ረቂቅ ህግ መሰረት የዲሲ የህዝብ ባስና ሰብዌይ ሲስተም የሚያስተዳድረው ተቋም በትራምፕና በንቅናቄያቸው ማጋ (MAGA) ስም እንዲሰየም ጠይቀዋል፡፡ 

All Aboard the TRUMP TRAIN!

WMATA takes $150M a year in federal funds and delivers nothing but delays, dysfunction, and decay. My bill blocks funding until WMATA is renamed WMAGA and the Metrorail becomes the TRUMP TRAIN.

But this isn’t just about branding. It’s about… pic.twitter.com/OSleDVGWR9

— Congressman Greg Steube (@RepGregSteube) May 29, 2025

ይህ ረቂቅ የሜክ አሜሪካ ግሬት አጌን አዋጅ ተብሎ የተሰየመ ሲሆን የዋሽንግተን ሜትሮፖሊታን ኤሪያ ትራንዚት ኦቶሪቲ (WMATA) ስሙ ተቀይሮ ዋሽንግተን ሜትሮፖሊታን ኦቶሪቲ ፎር ግሬተር አክሰስ (WMAGA) እንዲባል የጠየቁ ሲሆን ባቡሮቹም የትራምፕ ባቡር ተብለው እንዲጠሩ ከመጠየቅ ባለፈ ተቋሙ በዚህ የስም ቅያሬ ካልተስማማ ከፌደራል መንግስ የሚያገኘው በሚልየን ዶላሮች የሚቆጠረው የገንዘብ ድጎማ እንዲቋረጥበት ይደነግጋል፡፡ 

ከዚህ ቀደም እንደዘገብነው የኖርዝ ካሮላይና የህዝብ ተወካይ አዲሰን ማክዶወል የደለስ አየር ማረፊያን በትራምፕ ስም እንዲቀየር እንዲሁም የሳውዝ ካሮላይና ጆ ዊልሰን ደሞ የትራምፕ ፎቶ የያዘ አዲስ አዲስ የ250 ዶላር ቢል እንዲታተም ጠይቀው ነበር፡፡

About Author