የተሰናበቱ የፌደራል ሰራተኞች ምን አማራጭ አላቸው?

የፕሬዝዳንት ዶናልድ ትራምፕ ሁለተኛው የሥልጣን ዘመን ከጀመረ አንስቶ፤ ባለፉት አምስት ሳምንታት ከ30 ሺህ በላይ የፌደራል ሰራተኞች ስራቸውን ማጣታቸው ይገመታል። የፕሬዝዳንት ትራምፕ አስተዳደር አላስፈላጊ የመንግስት ወጭዎችን እና በጀቶችን እንዲሁም መረሃግብሮችን በመቀነስ ወደ ተሻለ የኢኮኖሚ አቅም ማደግ እንደሚቻል በተደጋጋሚ በማሳወቅ የሰራተኛ ቅነሳው የሚቀጥል መሆኑን አስታውቋል።

የፌደራል መንግስት መቀመጫ በሆነችው ዲሲ እና በአካባቢዋ የሚገኙት ግዛቶችም ከፍተኛ ቁጥር ያላቸው የፌደራል መንግስት ተቀጣሪዎች የሚገኙባቸው አካባቢዎች ሲሆኑ፤ ከአንድ ቤት ሁለቱም የቤተሰብ አባላት የፌደራል ሰራተኞች የሆኑባቸው አሉ።

ይኸን ተከትሎ ዋሺንግተን ዲሲ ፣ ሜሪላንድ እና ቨርጂኒ ዜጎች እና ቤተሰቦች ከተጋረጠባቸው ድንገተኛ ችግር ለመታደግ አማራጭችን በማዘጋጀት ላይ ይገኛሉ።

ዋሺንግተን ዲሲ

በመዲናዋ ዋሺንግተን ዲስ ነዋሪ ሆነው ስራቸውን ካለጥፋታቸው ያጡ እና የለቀቁ የፌደራል መንግስት ሰራተኞች የሥራ ፍለጋ እና የቅጥር አማራጮችን job training and career counseling ድረገጽ ላይ ማግኘት እንደሚችሉ የዲሲ አስተዳደር አስታዉቋል።

የዲሲ ከተማ ነዋሪ የሆኑ ዜጎች ሥራ እስኪያገኙ ድረስ ለ26 ሳምንታት በየሳምንቱ የሥራ አጥነት ክፍያ ድጎማ $444Tእንደሚያገኙ ተገልጿል። የከተማዋ ነዋሪ የሆኑ ዜጎች የስራ አጥነት ክፍያን እና ሌሎች ጥቅማ ጥቅሞችን በተመለከተም https://unemployment.dc.gov/ ድረ ገጽ ላይ እንዲከታተሉ ተመክሯል።

ሜሪላንድ

በተመሳሳይ ከቀናት በፊት በፌብሩዋሪ 28/ 2025 ቀን የሜሪላንድ ሀገረ ገዥ ዌስ ሙር በሰጡት ጋዜጣዊ መግለጫ ‘ከፌደራል መንግስት ጋር አብሮ ለመስራት እንጂ ለማጎብደድ ፍላጎት የለኝም’ በማለት ተናግረዋል። ሀገረ ገዥው በግዛታቸው ለሚገኙ እና ከፌድራል ስራቸው ለሚፈናቀሉ ዜጎች ጊዜያዊ መፍትሄ የሚሰጡ መርሃግብሮች እና የስራ ዕድል መፈለጊያ ድረ ገጾች መዘጋጀታቸውንም አስታውቀዋል።

ሥራቸውን የለቀቁ የሜሪላንድ ነዋሪዎች https://response.maryland.gov/federalpublicservants/ ድረ ገጽን በመጠቀም የተለያዩ ድጋፎችን እና ተጨማሪ መረጃዎችን ማግኘት ይችላሉ።

በራሳቸው ጥፋት ባልሆነ ምክንያት ስራ አጥ የሆኑ የፌደራል ሲቪል ሰራተኞች ለፌደራል ሰራተኞች የስራ አጥነት ካሳ (UCFE) ማመልከት ይችላሉ። ሌሎች ብቁ ሰራተኞች በመደበኛ ወይም የሥራ አጥነት መድህን (UI የአንኢምፕሎይመንት ኢንሹራንስ) መርሃግብር በኩል ማመልከት ይችላሉ።

ሜሪላንድ አዳዲስ የሥራ ዕድሎችን ለሚፈልጉ ወይም እንደገና ለመቀጠር ድጋፍ ለሚያስፈልጋቸው ሰራተኞች በድረገጽ እና በአካል የድጋፍ አገልግሎት እንደሚሰጥ በድረገጹ ላይ ሰፍሯል። አገልግሎቶቹ የስራ ማመልከቻ ወርክሾፖች፣ በግል የሚደረግ የስራ ማማከር፣ የሙከራ ቃለ-መጠይቆች፣ የሙያ እና የክህሎት ምዘና፣ የስራ ፍለጋ ስልት ስልጠናዎች፣ የሥራ ማጣት እና ከአንድ ሥራ ወደ ሌላ በሚደረግ የሽግግር ወቅትን የመቋቋም ድጋፍ፣ የድረገጽ ድጋፍ፣ እና ሌሎችንም ያካትታሉ።

በግዛቱ ያሉ ስራዎችንም https://www.jobapscloud.com/MD/ በዚህ ድረገጽ ላይ ማየት ይቻላል።

ቨርጂኒያ

በተመሳሳይ የቨርጂኒያ ግዛት ሀገረ ገዥ ግሌን ያንግኪን VirginiaHasJobs.com የተሰኘ ድረገጽ በማዘጋጀት ከ250 ሺህ በላይ የስራ ማስታወቂያዎችን ማዘጋጀታቸውን ከሰሞኑ ለመገናኛ ብዙሃን አስታውቀዋል። ድረገጹም የቨርጂኒያ ነዋሪ ሆነው የፌደራል ሥራቸውን ለለቀቁ ሰዎች ቨርጂኒያ ግዛት ውስጥ በመሆን የስራ ቅጥር ማስታወቂያዎች ወዳወጡባቸው ኢንዲድ (indeed) እና ሊንክዲን የመሳሰሉ ማኅበራዊ ገጾች የሚያመራ መሆኑን ገልጿል።

በድረገጹ ላይ መመዝገብም የስራ ዕድሎችን መፈለግን ጨምሮ ሌሎች ድጋፎችን VocationalRehabilitation  ለማግኘት እንደሚረዳም አስታውቀዋል።  https://www.virginiaworks.gov/job-seekers/

በተጨማሪም ድረ ገጹ ዜጎች ከስራ እስኪባረሩ ድረስ ሳይጠብቁ ከአሁኑ የስራ ልምዳቸውን እንዲያደራጁ እና ማመልከቻዎችን እንዲያዘጋጁ ይጠቁማል።

በቨርጂያ ግዛት ትልቁ ሳምንታዊ የሥራ አጥነት የገንዘብ ድጋፍ (አን ኢምፕሎይመንት) ክፍያ በሳምንት $387 በዓመት 20 ሺህ መሆኑም ተገልጿል።

በዲሲ፣ ሜሪላንድ እና በቨርጂኒያ ለፌደራል ሰራተኞች ያሉ ተጨማሪ አማራጮች

ዋሺንግተን ዲሲ

ዋሺንግተን ዲሲ 190 ሺህ የሚሆኑ የፌደራል ሰራተኞች አሏት። በዚህ የተነሳም በከፍተኛ ሁኔታ በሥራ አጥነት እንደምትጎዳ ይገመታል።

የታቀዱ አማራጭ መፍትሄዎች

የከንቲባ ባውዘር ገጽ Mayor Bowser’s Update ከከንቲባዋ ቢሮ የሚወጡ መረጃዎችን፣ የአንኢምፕሎይመንት ወይም የስራ አጥነት ክፍያዎችን በቅርበት ለመከታተል ያግዛል

የዲሲ አንኢምፕሎይመንት አገልግሎት D.C. Unemployment Services
ምግብ ነክ ድጋፍ ለማግኘት Bread for the City Food Assistance
የምግብ፣ የቤትኪራይ፣ የገንዘብ ፣ የመብራት እና ሌሎች ድጋፎች ከሚያደርጉ ተቋማት ጋር ለመገናኘት United Way NCA

ሜሪላንድ

ሜርላንድ ግዛት 140 ሺህ የፌደራል ሰራተኞች ያሏት ሺህን አብዛኞቹም በዲሲ ከተማ ዙሪያ ይኖራሉ።

በግዛቲቱ ያሉ የታቀዱ አማራጭ መፍትሄዎች

ከታክስ በፊት 430 ዶላር የአንኢምፕሎይመንት ክፍያ
የአንኢምፕሎይመንት ኢንሹራንስ Maryland Unemployment Insurance
በሜሪላንድ ያሉ ሥራዎች Maryland Jobs for Federal Workers

ሞንጎሞሪ ካውንቲ
የአንኢምፕሎይመንት ድጎማዎች እና የሥራ ዕድሎችን በተመለከተ 311 ይደውሉ
ተጨማሪ መረጃዎች እና ዕድሎች Montgomery County Federal Worker Resources

ፕሪንስ ጆርጅ ካውንቲ

Prince George’s Job Summit

ግሪንቤልት
በግሪንቤልት ሚድል ስኩል በመጋቢት ወር አንዱን ቀን የሥራ ፍለጋ ጉባኤ ይዘጋጃል። ዕለቱ ገና አልተወሰነም። ሆኖም ወደ ካውንቲው ቢሮ በመደወል ተጨማሪ መረጃ ማግኘት ይቻላል።

ኻዋርድ ካውንቲ
Howard County Resources

ኣን አሩንዴል ካውንቲ
-Anne Arundel County Resources

ቨርጂኒያ

ቨርጂኒያ ግዛት 145 ሺህ የሚሆኑ የፌደራል ሰራተኞች አሏት።

በግዛቲቱ የቀረቡ አማራጮች

ሀገረ ገዥ ግሌን ያንግኪን ግዛቲቱ 250 ሺህ ስራዎችን አዘጋጅታለች ብለዋል። ከእነዚህ ውስጥ 100 ሺህ የሚሆነው በሰሜን ቨርጂኒያ ግዛት ውስጥ የሚገኙ ናቸው።

ሥራ ለመፈለግ Virginia Has Jobs

ለአንኢምፕሎይመንት ለማመልከት Virginia Career Works

ሰሜን ቨርጂኒያ ካውንቲ እና ከተሞች

ፌርፋክስ ካውንቲ
-Fairfax County Resources

ፕሪንስ ዊሊያም ካውንቲ
-Prince William County Resources

አርሊንግተን ካውንቲ
Arlington Employment Center

አሌግዛንድሪያ ከተማ መረጃዎች

Alexandria Resources

ላውደን ካውንቲ

Loudoun County Workforce

ተጨማሪ ምክረሃሳቦች

የአንኢምፕሎይመንት ጥቅማ ጥቅሞችን ለማመልከት ከፈለጉ በሚኖሩበት ግዛት ሳይሆን፤ ሥራዎ ባለበት ከተማ አሊያም ግዛት ያመልክቱ። (ለምሳሌ የሚኖሩት ሜሪላንድ ሆኖ ሥራዎ ቨርጂኒያ ከነበረ ቨርጂኒያ ግዛት ያመልክቱ)

የህግ ድጋፎች፡ -ከሥራ በሚሰናበቱበት ጊዜ በህግ ድጋፍ ከፈለጉ፤ ብሔራዊ በሥራ ላይ ያሉና ጡረታ የወጡ የፌድራል ሰራተኞች ማኅበር ከጠበቆች ጋር ያገናዎታል National Active and Retired Federal Employees Association (NARFE)

በመጨረሻም እነዚህ መረጃዎች እና ሁኔታዎች በቶሎ ስለሚለዋወጡ የሚወጡ መረጃዎችን በቅርበት ይከታተሉ።